« Le journalisme sous l’emprise du numérique ». Lohahevitry ny Andro maneran-tany ho an’ny fahalalahan’ny asa fanaovan-gazety ny 3 may 2022.
Ny asa fanaovan-gazety sy ny miralenta
Mpanao gazety manodidina ny 20, avy amin’ny Faritra sivy : Amoron’i Mania, Matsiatra Ambony, Ihorombe, Vatovavy, Fitovinany, Atsimo Atsinanana, Anôsy, Androy, Atsimo Andrefana no manamafy ny fahaiza-manao momba ny fandrakofana ny vaovao manome lanja ny miralenta, ny 25-27 aprily 2022, ao Fianarantsoa.
FIARAHA-MIORY
Namoy namana mpanao gazety ny Fitaleavam-paritry ny Serasera sy ny Kolontsaina Melaky.
Nodimandry ny sabotsy 23 aprily 2022, RAKOTONIRINA Raymond. Delegen’ny Serasera tao Morafenobe. Nanokatra ny RNM sy TVM tao izy, ny taona 1983. Efa nitazona ny andraikitra Chef de Service Administration et Finance tao amin’ny DRCC Melaky ihany koa nandritra ny fito taona.
39 taona nanaovana ny asa fanaovan-gazety izy ary roa taona nisotroana ronono, izao lasana izao. Nizara ny traikefany, nampiofana, matianina eo amin’ny fakàna sary ihany koa izy.
Namela mananon-tena sy kamboty efatra mianadahy.
Miombom-po amin’ny fianakaviany sy ireo mpiara-miasa, tapaka sy namana, ny fianakaviamben’ny mpanao gazety eto Madagasikara.
Mandria am-piadanana Raymond !
©: VP OJM Melaky. FANOMEZANTSOA Marie Robine
Andao mbola hanampy ny namantsika mpanao gazety sady mpanentana fandaharana Ony Rambelo.
Tongava ary ny alarobia ho avy izao etsy amin’ny Au Bon Accueil Ambatonakanga mitondra izay voarambin’ny tananao. 
(S): Zoelson Randrianirina
Taorian’ny namoizana ny namantsika dia nitondra ny teny fisaorana ny avy amin’ny mpiara-miasa aminy ao amin’ny RVS sy ny fianakaviana.
Mpanao Gazety isika, iray vatsy, iray aina.
« Fisaorana sy fankasitrahana
« Na dia levona aza ny nofoko sy ny foko dia mbola vatolampin’ny foko sy anjarako mandrakizay Andriamanitra ».
Fisaorana sy fankasitrahana no atolotray mpiara-miasa amin-dratompokovavy NASOAVINA Emilie eto amin’ny RVS sy ny fianakaviany, ho anareo tapaka sy namana, mpiray monina, olom-pantatra, tonga nidodododo tsy naha lavi-tany raha nandre ny voina nihatra ka nitondra ny teny fampiononana ,nifampahery sy niara nizaka ny alahelo taminay. Satria tokoa ,ny mavesatra ifampizarana hono mora zaka ary fahoriana hiaraha-mitondra toa maivana. Tsara levenana ny maty ary henin-kaja ny velona.
Tsy ho voavalinay mpiara-miasa amin-dratompokovavy sy ny fianakaviany izany rehetra izany, fa ao Andriamanitra manan-karempahasoavana hamaly fitia sy hanonitra avo zato heny ny fotoana lany sy ny vola aman-karena izay nafoinareo rehetra ireny.
Isaorana ny Minisiteran’ny Serasera sy ny Kolontsaina nosoloin’ny Fitaleavam-paritry ny Serasera ao Bongolava sy Matsiatra Ambony, tena. Isaorana ihany koa ny Holafitry ny Mpanao Gazety eto Madagasikara fa tena mahay miray hina sy mifanampy ary mifampitsinjo tokoa ny mpanao gazety rehefa amin’ny andro sarotra andaozan’ny namana tahaka izao.
Tsy ho voavalinay ihany koa izany fa Andriamanitra homba sy hitahy anareo rehetra ,ho lava andro hiainana ho vy vato aman’aina ary ho ela velona anie ny asa fanaovan-gazety. Mankasitraka tompoko.
HANDRY AM-PIADANANA ANIE IZY ARY HO LASAN’IZAY NY RATSY REHETRA FA NY SOA SY NY TSARA NO HIFANODIAVANTSIKA. »
Nivory nanomana ny 3 may, « Andro maneran-tany ho an’ny fahalalahan’ny asa fanaovan-gazety » ireo mpanao gazety anatin’ny faritra Itasy, ny sabotsy 16 aprily 2022.
Le projet Medialab pour Elles est arrivé à son terme. Une cérémonie de présentation des activités menées, ainsi que des résultats des enquêtes réalisées pendant cette année de mise en œuvre, a eu lieu vendredi 8 avril 2022 au Louvre Antaninarenina.
Mpanao gazety 14 ao anatin’ny faritra Menabe no nanaraka fiofanana momba ny asa fanaovan-gazety fanadihadiana lalina, na « journalisme d’investigation », miompana amin’ny fiarovana ny tontolo iainana.
Tojo tsy fahasalamana ny mpanao gazety Ony Rambelo.
Raha araka ny fampitana avy amin’ireo namana sy akaiky azy dia ao amin’ny hopitaly HJRA hiatrika fandidiana maika izy. Noho izany: manentana ny fifanohanantsika amin’ny vady aman-janany. Isika rehetra izay terem-panahy ka hanome izay voarambin’ny tanana dia azontsika alefa mivantana amin’ny laharana 0340255424 (mivantana amin’ny vady aman-janany) izany.
Mpanao gazety: iray ihany isika. Iray vatsy, iray aina. Mifanohana amin’ny rehetra na amin’ny tsara fa indrindra amin’ny sarotra.
Sary: Facebook Ony Rambelo.
Mandalo eto an-tanindrazana RAZA Ellys, "Miss Madagascar 1990", monina sy miasa any Frantsa.
Misehatra eo amin'ny fikolokoloana endrika amam-bika izy