Ny Holafitry ny mpanao gazety eto Madagasikara dia mankasitraka ny Tale Jeneralin’ny Sekolim-pirenena mpanofana ho mpitsara sy mpirakidraharaha tamin’ny fialan-tsiny nataony tamin’ny mpanao gazety malagasy.
Manamafy ihany anefa ny voalazan’ny lalàna manan-kery ho an’ny rehetra, izay efa nataony tamin’ny FANAMBARANA FAMPAHATSIAHIVANA tamin’ity tranga ity:
Faritan’ireo andininy faha-70, 71, 72, 73 TOKO IV n’ny Lalàna 2020-006 momba Ny Serasera amin’ny Haino, vaky, jery ny amin’ny zo hamaly fitsikerana sy fanitsiana.Afaka mampiasa ny zony hamaly fitsikerana sy fanitsiana, alefa amin’ny talen’ny famoahana ao amin’ilay rantsana fanaovan-gazety voakasika, ao anatin’ny 15 andro manaraka ny famoahana vaovao nisy fanoherana, ny olom-pirenena mahatsiaro ho voatohintohina.
« Mpanao gazety matianina, miray hina ho amin’ny fampandrosoana » ny vina nofaritan’ny Biraon’ny OJM hanatanterahana ireo drafitrasa hotratrarina hamerenana amin’ny hasiny ny asa fanaovan-gazety eto Madagasikara, koa anterina ny fankasitrahana ny olom-pirenena rehetra sy ny mpanao gazety rehetra miaraka mifanome tanana ho amin’izany.
« Iray asa, iray vatsy. Iray vatsy, iray aina »Ny Filohan’ny OJM
RASOLOARISON H. Monica