FODIAMANDRY
Amin’alahelo lehibe no nandrenesana sy ampahafantarana ny nahalasanan’ ANDRIAMANANJARA Livamalala, mpanao gazety ara-panatanjahantena, sady mpanentana fandaharana amin’ny fahitalavitra VIVA Madagascar.
Nodimandry teo amin’ny faha-34 taonany ny alatsinainy 3 aprily 2023.
» Tampoka loatra. Nitaraina narary an-doha izy ny maraina, raha niaraka nisakafo maraina izahay. Tension izany, hoy aho. Mbola nanao plateau izy ny tolakandro. Nisakafo teny Alarobia. Nisy mpiara-miasa niantso an-telefaonina izy. Olona hafa no namaly, nilaza hoe mianjera ato ny tompon’ity telefaonina ity. Tonga nijery azy ny fiaran’ny toeram-piasana. Efa lasa izy. AVC no nahazo azy. Ontsa tanteraka ny fo », hoy ny mpiara-miasa akaiky aminy.
Nanomboka niasa tao amin’ny VIVA i Liva, ny taona 2012. Mpikambana ao amin’ny UJSM (Union des Journalistes Sportifs de Madagascar) ihany koa izy.
Mirary fiononana feno ho an’ireo akaiky azy rehetra ny fianakaviamben’ny mpanao gazety.